Magsasaka na-leptos sa kuhol, todas

DAGUPAN CITY – Patay ang isang 46-anyos magsasaka dahil sa sakit na leptospirosis matapos masugatan ng naapakang kuhol sa bayan ng Asingan, Pangasinan.

Kinilala ang biktimang si Noel Peralta, residente ng Brgy Cabalaitan sa nabanggit na bayan. Nasugatan sa paa ang biktima nang makatapak ng kuhol sa kanyang pagtungo sa sakahan ilang araw na ang nakalilipas. Nang magkaroon ng sintomas ng sakit tulad ng pamumula ng mata at pamamaga ng paa ay agad siyang dinala sa Rural Health Unit (RHU) sa Asingan.

Nang masuri na siya’y positibo sa leptospirosis ay inilipat siya sa mas malaking pagamutan ngunit binawian ng buhay.