HATAW! D'yaryo ng Bayan hatawtabloid.com
NAGSIMULA nang mag-ensayo si Kobe Paras para sa U18 national team na sasabak sa FIBA Asia Under-18 Championships na gagawin sa Doha, Qatar, mula Agosto 19-28.
Ayon sa head coach ng RP team na si Jamike Jarin, dumating sa bansa si Paras noong Biyernes mula sa Los Angeles, California, kung saan nag-aaral at naglalaro siya sa LA Cathedral High School.
“We’re happy that Kobe is here,” wika ni Jarin sa panayam ng Radyo Singko sa FM kahapon. “He will bring a lot of athleticism and he plays multiple positions so we can go big in the perimeter and then smaller but faster when he plays power forward. Pero mas guwapo siya nang kaunti sa akin.”
Bukod sa anak ng dating PBA player na si Benjie Paras, kasama rin sa U18 lineup ni Jarin sina Joshua Andrei Caracut at Radge Tongco ng San Beda High School at ang anak ni coach Norman Black na si Aaron Black.
Nagpasalamat si Jarin sa mga paaralan ng UAAP at NCAA sa pagpayag ng kanilang mga manlalaro na sumali sa national team niya sa Qatar, pati na rin sa FIBA U17 World Cup na gagawin sa Dubai.
Katunayan, inilipat ng UAAP ang petsa ng juniors basketball sa second semester ng school year.
Naunang umatras ang Qatar sa pagdaraos ng U18 na torneo ngunit nagbago ito ng isip pagkatapos na maayos ang gusot ng basketball sa nasabing bansa.
“Internal problems in the Qatar basketball federation caused the original postponement pero the stakeholders patched things up eventually because of fear that they may be sanctioned by FIBA Asia,” pagtatapos ni Jarin.
(James Ty III)
