HATAW! D'yaryo ng Bayan hatawtabloid.com
BUMIGAY ang kinukumpuning elevator sa ikaanim palapag ng gusali ng Department of Foreign Affairs (DFA) na ikinamatay ng isang maintenance habang sugatan ang dalawang kasamahan sa Pasay City kamakalawa.
Nalagutan nang hininga bago idating sa San Juan De Dios Hospital si Regalado Gutierrez, 32, repairman ng Hyatt Elevator and Escalator Corporation, ng #78 Unit-5 Wespoint St., Cubao Quezon City, bunga ng pinsala sa katawan.
Habang nakaratay sa nabanggit na pagamutan at inoobserbahan ang dalawa pang mga biktima na sina Ricardo Cervante at Jejomar Laguran.
Base sa naantalang report nina SPO3 Allan Valdez at SPO1 Evaresto Sarangey, dakong 10:10 a.m. nang mangyari ang insidente sa South Wings ng ika-6 palapag ng DFA habang kinukumpuni ng tatlong biktima ang elevator.
Sinasabing natanggal ang tornilyo sa bracket kaya bumigay ang elevator.
ni JAJA GARCIA
