12-anyos dalagita, sundalo utas sa boga ng basketbolista

TATLO katao kabilang ang isang retiradong sundalo at 12-anyos ang patay habang dalawa ang sugatan dahil sa pagtatalo sa larong basketball sa Tanza, Cavite.

Kinilala ang mga namatay na sina Carlo Inocencio, 45, retiradong kagawad ng Philippine Marines, ng Blk. 12, Lot 19, Phase 1, Section 3, Belvedere Subdivision; Alyssa Deth Gutierez, 12, estudyante, at Reynaldo Enterio, 54, driver.

Sugatan si Carl Angelo, 18 at isang kinilala sa alyas na Jesus.

Pinaghahanap ng mga awtoridad ang mga suspek na sina Emilio Requijo, alyas Jommel Burdado; John Ross Requijo, ng Blk. 4, Lot 5, Section 2, Phase 2, Belvedere Subd; Lucas Giray, Angel Dino, Erdie Sadsad at Patrick Mallari, na pawang mga taga-Pasong Kawayan, Gen. Trias, Cavite.

Ayon kay PO1 Mark Joseph Arayata, dakong 10:00 p.m., may inuman sa bahay ni Inocencio, nang biglang dumating ang mga suspek na agad nagpaputok laban sa mga biktima.

Sinasabing ang grupo ng mga biktima at grupo ng mga suspek ay may alitan sa larong basketball sa kanilang lugar.

(BETH JULIAN)