HATAW! D'yaryo ng Bayan hatawtabloid.com
NASAGASAAN ng dalawang sasakyan na nag-uunahan ang isang janitor habang papatawid sa Pasay City kahapon ng madaling araw.
Binawian ng buhay bago idating sa Pasay General Hospital dahil sa pinsala sa ulo at katawan si Noelito Alega, utility worker ng Janitorial services ng Department of Forreign Affaris (DFA), at naninirahan sa Malibay Pasay City.
Sa imbestigasyon ni PO3 Edmar Dechate ng Traffic Enforcement Unit, nangyari ang insidente sa kahabaan ng FB Harrison sa tapat ng Pasay City Sports complex dakong 5 a.m.
Sa pahayag ng testigong si Cris Moreno, traffic enforcer, dalawang sasakyang kulay pula na hindi naplakahan ang nag-uunahan sa pagtakbo at nahagip ang tumatawid na biktima. Sa lakas ng impact, tumilapon ng ilang metro mula sa kalsada hanggang sa humampas sa bakal sa bangketa ng Sports Complex ang biktima.
Dali-daling sinugod sa pagamutan ang biktima ngunit binawian ng buhay bago sumapit sa naturang ospital.
Sinabi ni Moreno, madilim sa lugar dahil wala pang koryente akasagsagan pa ng ulan nang mangyari ang insidente. (JAJA GARCIA)
