Buntis, mister patay sa ‘rambol’ ng 3 sasakyan (5 pa sugatan)

KORONADAL CITY – Patay isang buntis at ang kanyang mister sa karambola ng tatlong sasakyan sa Purok Maharlika, Brgy. Saravia, Koronadal City dakong 5:50 a.m. kahapon.

Hindi na umabot pa nang buhay sa South Cotabato Provincial Hospital ang mag-asawang sakay ng Honda wave 110 (KK-9344) na kinilalang si Federico Bustria at misis niyang buntis na si Jocelyn Bustria, kapwa residente ng Brgy. Montilla, Tacurong City.

Habang sugatan ang tatlong iba pa kabilang ang driver at dalawang estudyante na cheerdancers ng Saravia National High School, nakasakay sa motorsiklo (MJ-3848) na minamaneho ni Jomer Dela Serna.

Kabilang din sa sugatan ang dalawang estudyante na sina Rosalinda Cortado at Gela Mae Parba, parehong 14-anyos, kabilang sa cheerdancers na nagpatimpalak at kampeon sa T’nalak Cheerleading competition kamakalawa.

Ayon sa impormasyon, nahagip ng isang forward truck ang dalawang motorsiklo nang mawalan ng preno dahil sa madulas na daan dulot nang walang humpay na pag-ulan.

Nasa kustodiya na ng Koronadal City PNP ang driver ng naturang truck na si Richard Bellocillo, 22, residente ng Zamboanga City. (BETH JULIAN)