HATAW! D'yaryo ng Bayan hatawtabloid.com
ARESTADO ang isang ginang at ang kanyang bayaw na itinurong responsable sa pagpaslang sa kanyang mister noong Oktubre 2013 sa lalawigan ng La Union, iniulat kahapon.
Unang dinakip ng Bangar Municipal Police Station ang suspek na si Celso Domondon, 67, matapos matunton sa Sitio Apaleng, Barangay Rissing, Bangar, La Union.
Kasunod na naaresto ng pinagsanib na pwersa ng Bangar PNP at Galimuyod PNP sa Ilocos Sur si Eufemia Mundo, 41.
Ang mga suspek ay kapwa responsable sa pananaksak at pagpatay sa isang Cerilo Mundo, na sinasabing asawa ng suspek na si Eufemia.
Sa rekord ng pulisya, pinuntahan ni Cerilo ang kanyang asawang si Eufemia sa bahay ni Domondon matapos silang mag-away.
Nang muling magtalo ay pinagtulungan ng mga suspek ang biktima hanggang mapatay.
Tumakas at nagtago ang mga suspek hanggang matunton sa pinagtaguan. (Beth Julian)
