HATAW! D'yaryo ng Bayan hatawtabloid.com
KAHIT siguro sinong babaeng malagay ngayon sa nararanasan ni Atty. Jessica ‘Gigi’ Reyes ‘e talagang nenerbiyosin at baka masiraan pa ng ulo.
Mantakin n’yo namang isa-swak na siya sa BJMP Bicutan at nakita ang 6 NPA na babaeng detainees ay biglang nangatog at nagkasakit.
Pero sa findings ng mga doctor sa kanya ay normal naman ang BP at heart rate n’ya.
At humihirit na naman na doon na lang daw siya ikulong sa Crame.
Ano ‘yun, nag-iinarte!?
S’yempre, noong araw nga naman na hindi pa nabibisto ang katakawan nila sa pera at pagnanakaw sa kwarta ng bayan, ‘e para silang mga diyosa na hindi makabasag pinggan. Laging nakataas ang kilay at parang hindi pwedeng madapuan ng langaw.
Marami pa ngang babae ang nanaghili sa pagiging malapit niya kay Juan Ponce Enrile dahil mukhang doon daw siya sinuwerte.
‘Yun pala, doon siya nagkakamal?!
Ganyan talaga ang buhay Atty. Gigi, ang may atraso sa bayan, kung kailan mahina na ay saka sinisingil ng KARMA.
Isipin mo na lang na mahaba ang panahon na ikaw ay nakaranas ng sarap.
‘Yun lang po!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
