HATAW! D'yaryo ng Bayan hatawtabloid.com
VIGAN CITY – Sapol sa ulo ang isa sa tatlong menor de edad na binaril ng isang abogado sa Sto. Domingo, Ilocos Sur kamakalawa.
Parang target shooting ang pagbaril ni Atty. Geofrey Alapot, ng Public Attorney’s Office, sa isa sa tatlong biktimang nambato ng bote ng softdrinks sa kanyang bahay sa Brgy. Quimmarayan.
Ayon sa PNP Sto. Domingo, kritikal dahil sa tama ng bala sa ulo si Gelvin Quinez, 15, habang may tama ng bala sa binti si John Edmar Mongolio, 17, at nakatakas ang isang Rey John Jaramillo.
Depensa ni Atty. Alapot, binato ng mga suspek ang kanyang bahay ngunit ang ulo niya ang natamaan kaya nasugatan.
Dahil sa galit, binaril niya ang mga biktima na papalayo sa kanyang bahay sakay ang motorsiklo.
Nagpapagaling sa ospital ang nasabing abogado sanhi ng sugat sa ulo.
