HATAW! D'yaryo ng Bayan hatawtabloid.com
ARESTADO ang 36-anyos sampaguita boy makaraan mabentahan ng shabu ang isang confidential agent sa Rodriguez, Rizal kahapon ng umaga.
Sa ulat na tinanggap ni Supt. Samuel Delorino, hepe ng Rodriguez Police, kinilala ang suspek na si Eddie Domingo y Asesor alyas Boy Sampaguita, nasa hustong gulang, at nakatira sa #291 Laguerta St., Brgy. San Vicente, San Pablo, Laguna.
Dakong 8:30 a.m. nang masakote ng mga miyembro ng Municipal Anti-Illegal Drugs Special Operation Task force (MAIDSOTF) ang suspek sa labas ng Holy Rosary Parish Church sa Brgy. Balite, ng nabanggit na bayan.
Ayon kay PO3 Jose Gordon Antonio, dumating ang confidential agent sa kanilang tanggapan at itinuro ang suspek na matagal nang target ng awtoridad sa pagtutulak ng droga.
Nakompiska sa suspek ang 34 piraso ng naka-repack na shabu na inilagay sa kanyang sinturon at motorsiklo, at nagkakahalaga ng P4.5 milyon.
Ayon sa pulisya, matagal na nilang target ang suspek na karamihan sa costumer ay bumibili ng shabu sa pamamagitan ng text na ang mensahe ay “Hatiran mo ako ng Sampaguita sa Bahay” ngunit ang idini-deliver ay shabu. (ED MORENO)
