HATAW! D'yaryo ng Bayan hatawtabloid.com
KALABOSO ang misis at ang kanyang kalaguyo makaraan maaktohan ng mismong asawang abogado na magkapatong sa loob ng isang motel sa Pasig City kamakalawa ng gabi.
Kinilala ng pulisya ang nagreklamong mister na si Atty. Abraham Constante Espejo, 51, isang ministro ng kilalang sekta, at residente ng Marikina City.
Habang ang mga inireklamo ay sina Marie Anntoinette Espejo alyas Bubbles, 42, at Ariel Gonzales, 50, isa rin kasamahan sa sekta ng nagreklamo at residente rin ng Marikina City.
Sa ulat, 9:30 p.m. nang maaktohan ang magkalaguyo sa Victoria Court hotel sa Hillcrest Drive, Brgy. Bagong Ilog, Pasig City.
Sa tulong ng ilang pulis at barangay ay pinasok ng abogado ang silid na kinaroroonan ng kanyang misis na tumakbo sa loob ng banyo habang nakipagsuntukan ang kalaguyo bago naposasan at nadala sa himpilan ng pulisya.
Nauna rito ay naghinala na si Espejo na may ginagawang kalokohan ang asawa kaya’t kumuha ng private detective para sundan ang mga kilos ng ginang hanggang masundan sa loob ng nasabing motel.
Ang dalawa ay kakasuhan ng adultery at concubinage sa piskalya.
ni MIKKO BAYLON
