HATAW! D'yaryo ng Bayan hatawtabloid.com
AABOT sa 220 overseas Filipino workers (OFW) ang nakakulong sa bansang China dahil sa kasong may kaugnayan sa droga.
Ito ang pagkompirma kahapon ng Department of Foreign Affairs (DFA).
Ayon kay DFA spokesperson Charles Jose, karamihan sa mga OFW ay kababaihan na may kabuuang bilang na 161 habang 59 ang kalalakihan.
Sa nasabing bilang ay 22 ang nahatulan ng bitay, 12 ang nahatulan ng habambuhay na pagkakabilanggo, habang 144 ang nahatulan ng fixed term o mabibilanggo ng 10 taon o higit pa.
Ang mga OFW ay sinasabing mga biktima ng druglords at ginagamit silang drug mule o courier.
Sa ngayon, aabot pa sa 12 ang nakabinbing kaso laban sa mga Filipino na nakakulong sa ibang bansa. (HNT)
