Magsasaka binoga ng katagay (Nagtalo sa alak na bibilhin)

PINAGBABARIL hanggang mapatay ng kainoman ang isang lalaki makaraan0 magtalo sa bibilhing alak sa San Rafael, Bulacan kamakalawa ng gabi.

Sa ulat na ipinadala ng San Rafael PNP kay Senior Supt. Ferdinand Divina, Bulacan police director, kinilala ang biktmang Alfredo Mempin, 53, magsasaka at residente ng Brgy. Diliman, sa naturang bayan.

Kasalukuyang tinutugis ng pulisya ang suspek na si Alvin Valderama, pinaniniwalaang hindi pa nakalalayo sa lugar na pinangyarihan ng pamamaril.

Nabatid sa ulat, masayang nag-iinoman sina Mempin at Valderama kasama ang ilang kaibigan, nang maubusan sila ng iniinom na alak kaya nagpasyang bumili ang dalawa.

Sinasabing habang magkaangkas sa motorsiklo ay nagtalo ang dalawa sa bibilhing alak, na ikinapikon ng suspek kaya ipinarada ang sasakyan at biglang binunot sa bewang ang baril at pinagbabaril ang biktima.

Napuruhan sa ulo ang biktima na agad niyang ikinamatay habang ang suspek ay tumakas sa hindi pa matukoy na lugar.

(MICKA BAUTISTA)