HATAW! D'yaryo ng Bayan hatawtabloid.com
Ang nasabing executive rin ang nagsabi sa amin noon na hanggang Disyembre na lang nitong taon ang BCWMH pero naiba na naman daw ang plano.
“Oo nga, I still don’t know what’s next kasi ayaw ipatapos ng management, tuloy-tuloy lang daw, so kami tuloy-tuloy lang din naman.
“Paano mo papatayin ang isang programa na nagri-rate na at kumikita pa, sige nga?” sabi sa amin.
Sana ito ang malaman ng TV5 na hindi dapat pinapatay ang mga programang nagri-rate at kumikita at papalitan ng hindi na nga kumikita, wala pang ratings.
Going back to I HEART YOU 2: The ‘Be Careful With My Heart’ Anniversary Thanksgiving ay halos lahat daw ng kasama sa kilig-serye ay kakanta dahil may kani-kanila silang moments.
Hindi nga lang naman ang loveteam nina Ser Chief at Maya ang kinakikiligan maging ang loveteam din nina Arturo (Lito Pimentel) at Teresita (Sylvia Sanchez), bukod pa sa mga bagets na kasama sa programa.
In fairness, sinuwerte ang mga mga baguhang bagets sa Be Careful With My Heart dahil hindi talaga sila kilala noong nagsisimula ang programa at ngayong nakadalawang taon na ay sobrang sikat na sila dahil kapag nagmo-malling daw ay tinatawang ang pangalan ng karakter nila sa serye.
‘Yun nga lang, hindi namin napapanood ang Be Careful With My Heart kasi tanghali na kami magising kaya hindi pa rin namin kilala ang mga bagets na kasama sa show, maliban kay Cho kasi nga nakasama namin sa show sa Butuan City noong isang taon at sikat ang bagets sa mga probinsiya.
Kaya sa mga manonood pumunta na kayo sa ABS-CBN Center Road sa July 21 at 23 para sa ticket distribution na magsisimula ng 10:00 a.m. hanggang 5:00 p.m..
