HATAW! D'yaryo ng Bayan hatawtabloid.com
NAGA CITY – Labis-labis ang pagsisisi ng isang anak na naging dahilan ng pagpapakamatay ng kanyang ina sa Brgy. Taytay, Goa, Camarines Sur.
Kinilala ang biktimang si Lourdes Peñaflorida, 71-anyos.
Ayon kay PO3 Reynan Obias, nabatid na nagpaalam ang biktima sa kanyang asawa na maghahanap ng gulayin.
Ngunit ilang oras na ang nakararaan, hindi pa rin siya bumabalik at nang hanapin ng kanyang pamangkin ay natagpuan na nakabitin ang matanda sa puno ng Malobago at wala nang buhay.
Una rito, nagkaroon ng pagtatalo ang biktima at ang kanyang anak na si Marites at manugang na si Vicente Montes.
Pinaniniwalaang sama ng loob sa naganap na alitan at problema sa pamilya ang nag-tulak sa biktima upang kitilin ang kanyang buhay.
Napag-alaman, dati nang nagbanta ang biktima na magpapakamatay dahil sa problema sa pamilya.
Kaugnay nito, agad inalis ng pulisya ang anggulong foul play sa pangyayari.
(BETH JULIAN)
