HATAW! D'yaryo ng Bayan hatawtabloid.com
GENERAL SANTOS CITY – Isinugod sa pagamutan ang tatlong miyembro ng isang pamilya nang nalason sa kabute na kanilang kinain.
Kinilala ang mga biktimang si Paulino Quining, 61; anak niyang si Freddie Quining, 26; at ang isang taon gulang na apo na si Keeper John Quining, pawang residente ng Upper Alabel Sarangani Province.
Ayon sa ulat, umaga nang kumuha sila ng kabute sa niyugan at iniluto upang gawing ulam para sa kanilang pananghalian.
Paglipas ng ilang oras, nakaramdam ng pagsusuka, pagsakit ng tiyan at pagkahilo ang biktima kaya isinugod ng GenSan District Hospital at ginamot.
Pasado 9 p.m. nang makarekober ang mga biktima at agad nakalabas ng ospital.
(BETH JULIAN)
