Kano tsugi sa trabaho nagbitay

PATAY ang isang American English teacher matapos magbigti dahil sa depresyon sa Bacoor City, Cavite.

Nakabigti gamit ang nylon cord nang madatnan ng kanyang asawang si Arlene ang biktimang si Dustin Jacob Suchin, 31, tubong California, USA, English Teacher sa Hankuk University of Foreign Studies, sa Ortigas, Pasig City, nakatira sa Blk.12, Lot 12, Maena St., Rosewood Subd., Barangay Niog 2, Bacoor City.

Ayon kay Arlene, nasa Taguig City siya at nagtatrabaho bilang call center agent nang sunod-sunod na mag-text ng pamamaalam ang kanyang mister at pag-uwi niya ay dinatnan nang nakabigti ang asawa.

Sinabi ni Arlene sapol nang matanggal sa trabaho ang mister ay nakaramdam na ng depresyon.

Napag-alaman na ang biktima ay may kasong dinidinig sa National Bureau of Investigation (NBI) kaugnay ng paglabag sa RA 9995 Anti-photo and Voyeurism Act.

(Beth Julian)