HATAW! D'yaryo ng Bayan hatawtabloid.com
MALAWAKANG pinag-hahanap ng pulisya ang mga kawatan na nanloob sa bahay ng mag-asawang negosyante at humalay sa 20-anyos nilang anak na babae kahapon sa Tagaytay City, lalawigan ng Cavite.
Ang suspek na si Carlo Bullos ng Bonifacio Drive, Brgy. Silang Crossing West, Tanza ay pinaghahanap makaraan positibong kilalanin ng rape victim at ng kanilang kasambahay sa pamamagitan ng Rogue’s Gallery.
Dakong 7:30 a.m., wala ang ama ng biktima na si Elmer Ambion, 51, at ang kanyang misis, nang pasukin ni Bullos kasama ang tatlong iba pa, ang kanilang bahay sa Bonifacio Drive, San Luis Village, Brgy. Silang Crossing West, Tagaytay City.
Iginapos ng mga suspek ang katulong at nilimas ang laptop, Apple Ipod, Blackberry curve, Apple Ipad, Apple Iphone5, mga alahas, P5,000 cash.
Pagkaraan ay ginahasa ni Bullos ang biktima saka mabilis na tumakas ang mga suspek.
(BETH JULIAN)
