Nanghingi ng isdang pang-ihaw binatilyo tinarakan

SUGATAN ang isang 14-anyos binatilyo nang saksakin ng isang mangingisda na nainis nang hingian ng biktima ng ilang piraso ng isdang pang-ihaw sa Navotas City kamakalawa ng umaga.

Ginagamot sa Navotas Lying in Clinic ang biktimang si Galaroza Sales, outh of school youth (OSY) ng 509 B. Cruz, St., Brgy. Tangos .

Agad naaresto ang suspek na si Roderick Ibarra, 24, residente  ng Block 16, Lot 8, Brgy. Tanza.

Sa ulat ni SPO1 Arlene Alvaro, dakong 10 p.m., may dalang mga isda ang suspek sa Pondohan sa Dulong Tangos sa nasabing barangay nang salubungin ng biktima at humingi ng isda.

Ngunit tumanggi ang suspek na ikinagalit ng biktima hanggang magkaroon ng mainitang pagtatalo.

Pagkaraan ay bumunot ng patalim ang suspek saka inundayan ng saksak ang biktima.

(ROMMEL SALES)