No price hike sa bigas, bawang, baboy – Palasyo

TINIYAK ng Malacañang na base sa pahayag ng industry players, walang magaganap na pagtaas sa presyo ng bigas, bawang, karne ng baboy at iba pang pangunahing bilihin.

Binigyang-diin ni Communications Secretary Herminio Coloma Jr., hindi pahihintulutan ng gobyerno ang mga mapagsamantala na magpapataas nang sobra sa iba’t ibang mga bilihin.

Ayon kay Coloma, nagpulong kamakailan ang National Price Coordinating Council para magbuo ng mga solusyon upang matulungan ang Filipino consumers na naapektuhan ng naganap na nakaraang pagtaas ng presyo ng mga bilihin.

Inimbita sa nasabing pulong ang mga negosyante, hog and poultry raisers at iba pang stakeholders.

Sa isyu ng bigas, tiniyak niyang sanap ang NFA rice na magpapatigil sa pagtaas ng presyo ng bigas.

Ang NFA rice ay nagkakahalaga ng P27 per kilo, habang ang

well-milled variant ay nasa P32 per kilo, aniya.

Habang ang commercial rice ay nagkakahalagang P40 per kilo ang mababang klase, habang ang well-milled kind ay nasa P45 hanggang P50 per kilo.

“We are advising the public that they will implement the full force of the law on those who divert, hoard, and overprice government or NFA rice. ‘Yan po ang kanilang pahayag. Ayon pa rin sa NFA, ang kasalukuyang supply ng NFA rice ay umaabot na sa humigit-kumulang 2.4 na milyong metrikong tonelada, at ito ay sapat para sa susunod na 72 araw o hanggang sa unang linggo ng Setyembre na kung kailan inaasahan ang resulta ng unang pag-ani o harvest season,” pahayag ni Coloma.

(ROSE

NOVENARIO)