HATAW! D'yaryo ng Bayan hatawtabloid.com
KUNG desmayado tayo sa Terminal 1 and 2 ng Ninoy Aquino International Airport (NAIA) na matagal na nating pinupuna, kahit hindi pa man nasisimulan ang rehabilitation sa old NAIA ‘e bilib na bilib naman tayo sa kaayusan at kalinisan ng NAIA Terminal 4.
Kamakailan ‘e nagawi tayo sa NAIA T4 at ang una nating napansin’yung kalinisan.
‘Yun bang pagkakitang-pagkakita n’yo pa lang ‘e amoy mabango na at very conducive ang ambience para sa mga pasahero.
Wala man lang mararamdaman na kahit anong kaba ang pasahero dahil naipakita agad ng NAIA T4 ang safe ambiance.
Malinis ang paligid at hindi dilapidated ang mga kisame.
Maayos ang cooling system.
Hindi ka nenerbiyosin sa security force because of their friendly smile and cordial gestures sa mga pasahero.
Mula entrance hanggang sa Immigration ng NAIA T4 ay wala tayong masasabi.
Saludo tayo kay NAIA Terminal 4 manager, Engr. Enrico Gonzales.
Mas karapat-dapat siguro ang isang tulad ni Engr. Gonzales sa NAIA Terminal 2.
Ano sa palagay po ninyo, Manila International Airport Authority (MIAA) general manager, retired Gen. Jose Angelo “Bodet” Honrado?
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
