Walang pambili ng bigas inispin ng live-in

SUGATAN ang isang  29-anyos na mister nang tumusok sa kanyang dibdib ang itak na inihagis kanyang live-in partner kamakalawa ng gabi sa San Andres Bukid, Maynila.

Ginagamot pa sa Sta. Ana Hospital ang biktimang si Ryan Dimacali, trike driver, ng 1934 Dagonoy St., San Andres Bukid, Maynila dahil sa sugat sa dibdib.

Sa imbestigasyon ni SPO2  Darmo Meneses, ng Manila Police District-Police Station 6, dakong 7:30 pm nang maganap ang pagwawala ng suspek na si May Siares, 27, makaraan hindi bumili ng bigas ang biktima.

Napag-alaman na sinabihan ng suspek ang biktima na utusan ang kanilang kapitbahay na si Boy na bumili ng makakain sa palengke ngunit hindi sumunod at idinahilang walang kinita sa pamamasada at muling namasada.

Pag-uwi ng biktima ay may hawak nang itak at nagawawala ang suspek at maya-maya ay inihagis at tinamaan ang biktima.

Kapos sa kwarta Tsinoy nagbitay

DAHIL sa kakapusan sa pera, nagbigti ang isang 49-anyos na Tsinoy kamakalawa ng hapon sa Tondo, Maynila.

Sa imbestigasyon ni SPO1 Christian Caparas, ng Manila Police District-homicide section, ala-1:30 ng hapon nang makita ang biktimang si Felix Villa Yu, ng 1453 Alvarado Extension,Tondo, Maynila na nakabitin sa isa sa mga kuwarto ng bahay ng kanyang live-in na si Grace Catamora.

Sa kwento ni Catamora, ilang araw nang problemado ang bikitma kung saan kukuha ng pera sa pang-araw-araw nilang pangangailangan kasabay ng sambit na magpapakamatay na lamang.

Ginamit ng biktima sa pagbibigti ang telephone wire.

ni LEONARD BASILIO