HATAW! D'yaryo ng Bayan hatawtabloid.com
PATAY ang isang kapitan ng barangay nang pagbabarilin ng hindi nakilalang mga lalaki habang palabas ng sabungan sa Tiaong, Quezon, kamakalawa.
Kinilala ang biktimang si Restituto Hernandez Perez, 66, Barangay Chairman ng Sta. Maria, San Pablo City, Laguna.
Batay sa ulat, naganap ang insidente dakong 3:10 p.m. sa cockpit arena sa F. Castillo Coliseum, Brgy. Lalig, Tiaong, Quezon.
Nabatid na naglalakad ang biktima kasama ang anak palabas ng sabungan at patungo sa parking lot nang barilin nang malapitan ng mga salarin sa ulo.
(DANG GARCIA)
