HATAW! D'yaryo ng Bayan hatawtabloid.com
ITINANGGI ni Justice Secretary Leila de Lima na mayroon siyang sex video.
Sa kanyang pagharap sa Commission on Appointments, hindi maiwasang usisain ang kalihim sa sinasabi ni Whistleblowers Association president Sandra Cam na may sex video si De Lima.
Ayon kay De Lima, peke ang naturang sex video kung ilabas man ito at siya ang makikita.
“I’m sure that’s a fake,” ani De Lima patungkol sa sex video.
Banta lang aniya ito ni Cam at ngayon pa lang ay may ginagawa na aniyang krimen ang whistleblower.
Paglabag ito, ayon kay De Lima sa Anti-Voyeurism Law kung ilalabas ni Cam ang sinasabing sex video.
Gayon man, nanindigan ang kalihim na hindi niya papatulan ang isyu at hindi rin magsasampa ng kaso laban kay Cam.
Nauna rito, nagbanta si Cam na ilalabas ang sex video kapag nakalusot si De Lima sa CA.
Kahapon ay tuluyan nang nakompirma ng CA si De Lima.
(NIÑO ACLAN)
