Pamilya huli sa Marijuana

ARESTADO ang walong miyembro ng pamilya Arabia makaraan mahuli sa aktong nagbabalot ng marijuana sa kanilang bahay sa Purok 1, Camarin, Caloocan City, sa isinagawang raid kamakalwa ng gabi ng mga operatiba ng NPD-District Special Operation Unit (DSOU). (ALEX MENDOZA)

Arestado ang walong miyembro ng pamilya Arabia, nang maaktuhang nagre-repack ng pinatuyong marijuana sa kanilang bahay sa Purok 1, Camarin, Caloocan City, iniulat kahapon.

Ayon sa natanggap na ulat ni Chief Inspector Ronald Perilla, nagsisilbing tiangge ng marijuana ang bahay ng pamilya na posibleng doon din ginagamit ang biniling marijuana.

Kinilala ang mga naarestong sina Rodito Arabia, Rosalie Arabia, Bernie Grande, Ernesto Vicio, Rochelle Arabia, Marivic Labajoy, Joseph Arabia at Cindy Periano pawang ng nasabing lugar.

Narekober ng Special Operations Unit ng Northern Police District (NPD) ang apat na bloke ng marijuana, tatlong sachet ng shabu, isang sumpak at anim na bala ng kaibre .38 baril.

Nakatakdang sampahan ng kasong paglabag sa Republic Act 9165 (anti-dangerous drugs law) at Republic Act 10591 (illegal possession of firearms and ammunition).

7 ARESTADO SA TIANGGE NG SHABU

DAHIL sa nagwawalang lalaki, nalambat ng  pinagsanib na operasyon ng District Special Operation Unit (DSOU)  at ng  Station Anti-illegal Drugs (SAID)  ang pito katao habang gumagamit ng shabu at nagre-repack ng marijuana sa Caloocan City, kamakalawa ng gabi.

Kinilala  ang mga nadakip na  mag-asawang  Ador Ian, 37, at misis niyang si Junesa   Osorio, 30, kapwa residente ng #161-A Falcon St., Brgy. 70; George Evangelista, 38, ng Kampupot St., 11th Ave.; Hubert  Bautista, 38, ng 469 Int. Heroes del 96; Benjamin P. Davao, 27, ng Bustamante St., Brgy. 86; Raymund Hernandez, 27, ng Block 2, Damata,  Brgy. Tonsuya, Malabon at Angel  Acuña, Jr., 53, ng Massabille St., 9th Ave., Caloocan City.

Nakatakas ang nagwawalang suspek pero nakompiska sa sinasabing drug den ang dalawang (2) plastic sachet ng shabu, drug paraphernalia at isang .9mm pistol.

(rommel sales)