HATAW! D'yaryo ng Bayan hatawtabloid.com
CAUAYAN CITY, Isabela – Nakakulong na makaraan arestohin ng mga awtoridad si dating Isabela Asst. Provincial Prosecutor Ferdimar Garcia dahil sa kasong paglabag sa Republic Act 7610 o Anti-Child Abuse Law.
Sa pangunguna ni Deputy Chief of Police Insp. Samuel Lopez, isinilbi ng mga miyembro ng Alicia Police Station ang warrant of arrest na ipinalabas ni Judge Raul Babaran ng Cauayan City Regional Trial Court Branch 19, dahil sa ilang beses na hindi pagpapakita sa korte ni Atty. Garcia sa pagdinig sa kanyang kaso.
Nag-ugat ang kaso ni Garcia sa pananakit sa isang bata na umawat sa kanyang panggugulo noong nakaraang taon sa isang bahay sa Sto. Tomas, Alicia.
Nakunan ng video ng mga pulis ang pag-resist o pagtanggi ni Garcia na sumama sa kanila nang isilbi ang warrant of arrest sa kanyang bahay sa Linglingay, Alicia. (BETH JULIAN)
