Tirador ng mrs ng OFWs dedo sa ratrat

PATAY ang 22-anyos negosyante na tirador ng mga misis ng overseas Filipino worlers (OFWs), nang pagbabarilin ng hindi nakilalang suspek sa Caloocan City, kamakalawa ng hapon.

Dead on arrival sa Dr. Jose N. Rodriguez Memorial Hospital ang biktimang si Kenneth Tatad, ng Phase 7-B, Phase 3, Block 87, Lot 12, Brgy. 176, Bagong Silang, sanhi ng mga tama ng bala ng kalibre .45 baril sa ulo.

Tugis ang suspek na may katabaan, malaki ang tiyan, may taas na 5’3, nakasuot ng asul na helmet at naka-six pocket walking shorts, mabilis na tumakas sakay ng motorsiklong nakaabang ‘di kalayuan sa lugar.

Sa ulat ni PO3 Renen Malonzo, naganap ang pamamaslang sa loob ng Clothes Boutique, pag-aari ng biktima, nasa Phase 2, Package 1, dakong 2:20 p.m.

Sa police report, kasama ng biktima ang live-in niyang si May Ann Golo at kapatid na si Lea, nang pumasok ang hindi nakilalang suspek  saka pinagbabaril si Tatad sa ulo.

Salaysay ng ilang kakilala ng biktima, playboy  si Tatad, bukod sa live-in niyang si May Ann Golo,  may dalawa pang dyowa ang biktima na itinago sa pangalang  a.k.a. 35 at Mrs. X, pawang asawa ng OFW.

Nabatid, isa sa mga misis na karelasyon ni Tatad ang nagbanta na kapag kinalasan ng biktima ay magpapakamatay, habang isa ang nabisto  ng mister na ina-alam ng pulisya kung may kaugnayan sa pamamasalang.

Sa isang follow-up operation, lumutang ang nagpakilalang “Barbara Perez” a.k.a. 35, sinabing kakilala niya ang biktima at itinanggi ang sinasabing relasyon niya kay Tatad.

ni rommel sales