Napoles iniutos ng korte ibalik sa Fort Sto. Domingo

INIUTOS ng Makati Court kahapon ang agarang pagbabalik kay tinaguriang pork barrel scam mastermind Janet Lim-Napoles sa kanyang detention cell sa Fort Sto. Domingo sa Sta. Rosa, Laguna.

Si Napoles, nakapiit kaugnay sa serious illegal detention case, ay na-confine sa Ospital ng Makati mula pa nitong Abril.

Ibinasura ni Makati Regional Trial Court Branch 150 Judge Elmo Alameda ang mosyon na inihain ni Napoles, humihiling na bawiin ang unang order na pagpapabalik sa kanya sa Fort. Sto. Domingo bunsod ng vaginal bleeding.

“The director of Police Regional Office IV-A or any of his deputies is requested to provide adequate security personnel to escort the accused from the Ospital ng Makati to Fort Sto. Domingo, Sta. Rosa, Laguna. This order must be implemented immediately,” pahayag ni Alameda sa kanyang four-page order.

Ibinase ni Alameda ang kanyang desisyon sa report na isinumite ng Ospital ng Makati, nagsasaad na pinapayagan na ng mga doktor na makalabas ng ospital si Napoles.

HATAW News Team