Mag-utol na paslit nalunod sa condo pool

NAMATAY ang magkapatid na babae at lalaki nang kapwa malunod habang naliligo sa swimming pool Muntinlupa City kamakalawa ng hapon sa .

Dead-on-arrival sa Medical Center of Parañaque ang mga biktimang sina Stephanie Gayle Arellano, 7, estudyante, at Wayne Alfred Arellano, 4, ng No. 303 San Guillermo St., Putatan.

Ayon kay Supt. Allan Nobleza, officer-in-charge ng Muntinlupa Police Station, bago naganap ang trahedya, ang magkapatid kasama ang kanilang magulang ay bumisita sa kanilang kaanak sa Lakefront Condominium Bgy. Sucat, Muntinlupa, dakong 5:30 p.m.

Naisipan mag-swimming sa naturang lugar ang magkapatid na pinayagan ng amang si Alex Arellano, saka iniwan silang naliligo habang pinabantayan ang dalawa sa kapatid niyang si Virgilio Arellano, 13.

Sa ulat, napabayaan umano ni Virgilio ang mga pamangkin at huli na ng makita niyang nalunod na sa swimming pool ang dalawang bata.

Nalaman lamang ni Alex ang pangyayari makaraang makatanggap siya ng text messages na nalunod at isinugod sa ospital ang kanyang mga anak.

(MANNY ALCALA)