HATAW! D'yaryo ng Bayan hatawtabloid.com
MAGING si Pangulong Benigno Aquino III ay nalilito na rin kung bakit tila pinaniniwalaan na ang lahat ng sabihin ngayon ni pork barrel scam queen Janet Lim-Napoles na dati-rati’y kinamumuhian ng publiko.
“Dati parang kinamumuhian si Mrs. Napoles. Ngayon, ‘pag nagsalita ka parang totoong-totoo ang sinasabi, paano kaya nangyari iyon?” anang Pangulo kahapon.
Duda ng Pangulo, may mga personalidad na nagsususi kay Napoles para guluhin ang isyu upang tumagal ang proseso sa paghahanap ng katotohanan na pabor sa pork barrel scam queen.
Sinabi ng Punong Ehekutibo, ang taktikang ginagamit ni Napoles ay pabahuin ang lahat dahil hindi na niya kayang pabanguhin ang sarili, at i-delay ang imbestigasyon kaya maging sina Budget Secretary Florencio Abad at Agriculture Secretary Proceso Alcala ay laging kasama sa mga lumabas na Napoles list.
(ROSE NOVENARIO)
