HATAW! D'yaryo ng Bayan hatawtabloid.com
TINUTUKAN ng baril ng barangay kagawad ang isang doktor nang hindi matuli ang kasama niyang bata kamakalawa ng hapon sa Navotas City.
Nahaharap sa kasong unjust vexation at grave threat ang suspek na si Danilo Trinidad, 51, kagawad ng Brgy. Sipac Almacen.
Habang kinilala ang biktimang si Dr. Henry Tinio Ballecer, 45, ng Magnolia St., Brgy. Tanza ng nasabing lungsod, volunteer doctor sa libreng tuli sa nasabing barangay.
Nabatid na dakong 2 p.m. nang magsagawa ng libreng tuli sa Governor Pascual St., Brgy. Sipac Almacen ang grupo ng volunteer doctors sa pangunguna ni Dr. Ballecer na tatagal lamang hanggang 5 p.m.
Dumating ang suspek na may kasamang bata ngunit sinabihan na hindi na maaaring tuliin dahil lagpas na sa oras.
Bunsod nito, nagalit ang suspek at tinutukan ng baril ang biktima habang kumakain ang mga doktor.
(ROMMEL SALES)
