Katorse binakuran bagets tinarakan si ‘Ariel Rivera’

SUGATAN ang 16-anyos binatilyo nang saksakin ng karibal sa panliligaw, sa isang 14-anyos, sa Tondo, Maynila, iniulat kahapon.

Ginagamot sa Gat Andres Bonifacio Medical Center (GABMC), ang biktimang si Ariel Rivera, estudyante,  ng 178 Osmeña St., Tondo, sanhi ng mga saksak sa katawan

Sa ulat ng Manila Police  District – Police Station 1(MPD-PS1) selos ang dahilan kung bakit sinaksak ang biktima nang sabayan niya sa paglalakad ang dalagita na nakita ng karibal.

Nabatid kay Ann, 14 anyos, kasabay niyang naglalakad ang biktima nang salubungin sila ng mga suspek na biglang naglabas ng patalim ang isa sa grupo saka sinaksak sa likod si Rivera.

Sa imbestigasyon ni PO3 Rowel Candelario ng MPD-PS1, dakong 3:30 a.m. nagganap ang insidente sa panulukan ng Herbosa at Velasquez streets.

Pinaghahanap ng mga awtoridad ang mga suspek na sina Jessmar Mallari, Bryan Valenzuela, Eddie Boy at Joe Fred, habang inaalam pa ang pagkakakilanlan sa anim pang kasamahan na tumakas matapos ang insidente.

(leonard basilio)