Biyudo dedo sa 5 punglo (Sa 60th birthday)

PATAY sa limang bala ng kalibre. 45 pistola ang 60-anyos birthday celebrant nang barilin sa loob ng kanyang bahay sa Marikina City kamakalawa.

Sa ulat kay Supt. Vincent Calanoga, kinilala ang napatay na si Virgilio Gervacio, 60, biyudo, ng Blk. 54, Lower Pipino St., Brgy. Tumana.

Ikinasa ng mga awtoridad ang manhunt – operation para arestohin ang ‘di nakilalang suspek na mabilis nakatakas.

Sa imbestigasyon ni PO3 Ritchie Baldesco, dakong 9:00 p.m. mag-isa na lang idinaos ng matanda ang ika-60 kaarawan, dahil kamamatay lang ng misis, nang biglang pumasok ang suspek saka limang ulit binaril ang biktima sa ulo at iba’t ibang parte ng katawan.

Sa pahayag ng anak na si Anna Virginia Gervacio, 31, dalaga, wala siyang alam na kinasangkutang gulo ang ama at tanging alam niya, nagsarili ng tirahan mula nang pumanaw ang kanilang ina.

Ayon kay Insp. Luisito Lampitoc ng SOCO, nakarekober sila ng limang basyo ng bala ng kalibre. 45, isang deformed slug at ilang drug paraphernalia sa crime scene. (ED MORENO)