HATAW! D'yaryo ng Bayan hatawtabloid.com
KRITIKAL ang kalagayan ng 61-anyos lolo nang pagsasaksakin ng hostage-taker dahil sa hinalang sipsip sa pulis, kamakalawa ng hapon sa Navotas City.
Inoobserbahan sa Tondo Medical Center (TMC) ang biktimang si Eduardo Lipasana, 61, ng Block 65, Bagong Silang, Brgy. San Jose, sanhi ng malalim na saksak sa dibdib.
Agad naaresto ang suspek na si Alejandro de Antonio, 55-anyos, nahaharap sa kasong frustrated murder.
Sa ulat ni PO3 Ronnie Garan, may hawak ng kaso, dakong 2:00 p.m. kamakalawa nang maganap ang pananaksak sa harap ng bahay ng biktima.
Nabatid na nagtanim ng galit ang suspek sa biktima nang pagbintangan ang huli na siyang tumawag ng mga pulis noong i-hostage niya ang sariling pamilya ilang buwan na ang nakararaan. (rommel sales)
