Friday , August 8 2025

Malampaya Scam nilinis (De Lima explain — Malacañang)

NAPIKON si Justice Sec. Leila De Lima sa lumabas na balita na sinasabing ‘nilinis’ niya ang laman ng listahan ng mga sangkot sa P900-million Malampaya fund scam.

Sa isang pahayagan, sinasabing sadyang hindi isinama ni De lima sa mga kinasuhan ang umaabot sa 100 mayors na nakinabang sa pondo noong 2010 election kapalit ng pagsuporta sa pangarap ni De lima na maging senador sa 2016.

Ayon sa kalihim “foul, maliscious at irresponsible” ang nakasulat dahil malinaw na “hearsay” lamang ito.

Tanging pinagbasehan aniya ng istorya ay ang di-pirmadong affidavit ni Janet Lim-Napoles na isinumite kay rehabilitation czar Panfilo Lacson.

“That’s precisely my position kung bakit, ang thinking ko hindi pwedeng isina-submit lang ang listahan na walang pang narrative in an affidavit na magkukwento tungkol doon sa laman ng listahan di ba? Kaya disappointed ako na nire-release na ganyang mga dokumento na unsigned nga e,” pagdidiin ni De Lima.

Ayon pa sa lumabas na ulat, ang abogado ng mga whistleblowers na si Atty. Levito Baligod ang nag-ikot sa 100 mayors upang kausapin sila na hindi na isasama sa kaso kapalit ng suporta kay De Lima.

Giit ng kalihim, nakatatawa ang balita dahil nakausap niya mismo si Atty. Baligod at itinatangging ginawa ito ng abogado.

(CYNTHIA MARTIN/NIÑO ACLAN)

DE LIMA EXPLAIN — MALACAÑANG

HINIHINTAY ng Malacañang ang paliwanag ni Justice Sec. Leila de Lima kaugnay ng sinasabing pagdoktor sa charge sheet ng mga sangkot sa Malampaya Fund scam.

Sinabi ni Communications Sec. Sonny Coloma, ipauubaya nila kay De Lima ang pagpapaliwanag sa naturang akusasyon.

Ayon kay Coloma, mainam na hintayin ang paliwanag ni De Lima hinggil sa naturang isyu sa pagharap niya sa pagdinig ng Senate Blue Ribbon Committee ng Malampaya Fund scam.

Una rito, napaulat na batay sa hindi nalagdaang affidavit ni Janet Lim-Napoles isinumite ni Rehabilitation Czar Ping Lacson sa Senate Blue Ribbon Committee, aabot sa 100 alkalde ang hindi isinama ni De Lima na sinampahan ng kaso kaugnay ng Malampaya Fund scam.

Sinasabing kapalit nito ang suporta ng mga alkalde sa kandidatura ni De Lima na tatakbong senador sa 2016.

GOV’T OFFICIALS KASUHAN KUNG MAY EBIDENSYA

NAGPALIWANAG si Pangulong Benigno “Noynoy” Aquino III kaugnay sa hindi niya pagsibak kina Budget Sec. Butch Abad, Agriculture Sec. Proceso Alcala at TESDA director-general Joel Villanueva na dawit sa pork barrel scam.

Sinabi ni Pangulong Aquino, hindi siya maaaring magsibak nang walang basehan at hindi pa napatutunayan ang pagkakasala ng mga opisyal.

Ayon kay Pangulong Aquino, mananatili ng inosente ang isang tao hangga’t hindi napatutunayang guilty.

Mas mainam aniya na kasuhan na lamang sina Abad, Alcala at Villanueva upang hindi puro alegasyon at walang naihaharap na ebidensya.

“Now, having said all of that, siguro ang dulo nito isa lang ang official family ko. May tiwala ba ako sa kanila o wala? Ano ba actually ang allegation sa kanila? At ipinangako ko naman sa inyo – at palagay ko nakita na ninyo – ‘pag may ebidensya tayong supisyente, dalhin natin sila sa korte, at ‘yon nga ang nangyari na ‘nung dinala ‘yung ating information sa Ombudsman,” ani Pangulong Aquino.

(ROSE NOVENARIO)

Krystall Herbal Products and FGO Branches

About hataw tabloid

Check Also

KMPC Kawasaki Motors Atty John Bonifacio

Hiling sa DOLE
KAWASAKI MOTORS NAIS IDEKLARANG ILEGAL, WELGA NG UNYON
Opisyal, BOD ipinasisisbak 

NAGHAIN ang Kawasaki Motors Philippine Corporation (KMPC) ng counter manifestation sa National Conciliation Mediation Board …

National Electrification Administration NEA

90 electric coops mas mababa pa singil sa koryente kaysa Meralco — NEA

HATAW News Team NASA 90 electric cooperatives ang nakapagtatakda ng mas murang singil sa koryente …

Malabon City Environment and Natural Resources Office CENRO

Sa Malabon
6,000+ cubic meters ng basura nahakot sa nagdaang bagyo

MAHIGIT sa 6,000 cubic meters ng basura mula sa naimbak na kalat na dulot ng …

Caloocan LGU nagkaloob ng 3 trucks sa Police Station

Caloocan LGU nagkaloob ng 3 trucks sa Police Station

BILANG bahagi ng pagtataguyod ng peace ond order, naglaan si Caloocan City Mayor Along Malapitan …

SM naglunsad ng relief efforts, naghatid ng tulong sa Bulacan

SM naglunsad ng relief efforts, naghatid ng tulong sa Bulacan

HABANG ang mapaminsalang habagat, kasama ang magkakasunod na bagyong Crising, Dante, at Emong, ay nagdala …

Leave a Reply

Your email address will not be published. Required fields are marked *