HATAW! D'yaryo ng Bayan hatawtabloid.com
BUTAS ang hita, wasak ang puwet at muntik madurog ang yagbols ng lasing na obrero nang mahulog mula sa bubungan ng gusaling kanilang kinukumpuni sa Malabon City kahapon ng madaling araw.
Malubha ang kalagayan sa Pagamutang Bayan ng Malabon (PBM) ng biktimang kinilalang si Edwin Sorita, 44-anyos, stay-in worker ng Arellano University nasa Gov. Andres Pascual St., Brgy. Concepcion.
Sa ulat ng pulisya, dakong 2:30 a.m. nang maganap ang insidente sa compound ng nasabing kolehiyo.
Nauna rito, nakipag-inuman ang biktima sa mga kasamahan at nang malasing ay nagpasyang matulog.
Dahil sa init ng panahon, naisipan niyang lumipat ng tulugan sa bubungan nang biglang bumulusok sa malalim na hukay ang biktima kung saan natusok ng bakal ang kanyang hita, puwet at muntik madurog ang bayag ni Sorita.
Agad tinulungan ng rescue team ang biktima na gumamit ng hydraulic jack upang maputol ang mga bakal na tumusok sa katawan ni Sorita.
(rommel sales)
