Pasaherong Iranian nagholdap ng taxi driver

ISANG  Iranian national ang nasakote ng mga awtoridad, habang patakas na naglakad matapos holdapin ang taxi driver ng sinakyan niyang taxi sa Sta. Mesa Maynila, kahapon ng  umaga.

Kinilala ang biktimang si Roy Ronquilio, 57, may asawa, taxi driver, ng Sta. Cecilia St., Valley 1, Parañaque City.

Dinala sa tanggapan ng General Assignment Section ng Manila Police District ang suspek na kinilalang si Dostras Mohammad Hussein, 30-anyos, Iranian national, dentistry student ng CEU, pansamantalang naninirahan sa Cronic building, C.M. Recto corner Pureza streets, Sta. Mesa.

Salaysay ng bitkima, kung saan-sana siya dinala ni Hussein bago siya holdapin. Nagpasalamat siya pagresponde ng mga tauhan ni Supt. Fernando Mercado Opelanio kaya agad nasakote ang suspek  at naiuha sa kanyang pag-iingat  ang kutsilyong ginamit sa holdap at ang cellphone ng taxi driver.

– LEONARDO BASILIO (May kasamang ulat nina Camille I. Bolos, Nikki-Ann Q. Cabalquinto, Antonio C. Maaghop, jr., Bhenhor M. Tecson, Lara Liza M. Singson)