Ari dinakma kelot tinaga ni kumpare

SAN FERNANDO CITY, La Union – Inamin ng suspek sa pananaga sa Pagdalagan Norte, San Fernando, La Union na kaya niya tinaga ang kanyang kainoman ay dahil napikon siya sa tangkang paghipo ng biktima sa kanyang ari kamaka-lawa.

Ayon sa suspek na si Cesar Balmores, laging tinatangka ng biktima na si Ma-riano Salamente na hawakan ang kanyang ari sa tuwing magkasama sila.

Napag-alaman, matalik na magkaibigan ang dalawa.

Sa unang tatlong beses na pagtatangka ni Salamente ay nakailag si Balmores kaya naiwasan na mahipo ang kanyang pribadong bahagi ng katawan.

Gayon man, nang magkayayaan ang dalawa na mag-inoman sa bahay ng suspek kamakalawa, hindi namalayan ni Balmores ang kamay ni Salamente na nasa kanyang hita at bigla na lamang ibinaba ang zipper ng kanyang pantalon.

Dahil sa sobrang hiya at galit ng suspek, dali-dali si-yang pumanhik sa kanyang bahay, kumuha ng itak at pinagtataga ang kanyang kaibigan.

Tinamaan ng taga ang biktima sa noo, kamay at da-lawang hita, at ngayon ay nilalapatan ng lunas Ilocos Training and Regional Medical Center (ITRMC).

Sa kabilang dako, mariing itinanggi ng biktima ang alegasyon ng suspek at idiniing hindi niya ito magagawa dahil siya ay may asawa.

Aniya, pawang kasinu-ngalingan ang sinasabi ng suspek dahil laging nagwawala tuwing nalalasing at gusto lang takasan ang kanyang kaso.