HATAW! D'yaryo ng Bayan hatawtabloid.com
SINAMPAHAN ng kasong tax evasion ng Bureau of Internal Revenue ang actor-director na si Zoren Legaspi sa Department of Justice (DoJ).
Ayon kay BIR Commissioner Kim Henares, hindi idineklara nang tama ni Legaspi sa kanyang income tax return (ITR) ang income niya sa taon 2010 at 2012.
Umaabot sa P4.45 million ang hinahabol na buwis ng BIR mula kay Legaspi na hindi nabayaran.
Sinabi ni Henares, noong 2010, umabot sa P9.64 million ang kinita ni Legaspi ngunit ang idineklara niya sa ITR ay P6.79 million lamang.
Noong 2012, kumita ang aktor ng P6.49 million ngunit ang idineklara ay P1.82 million lamang.
Ayon kay Henares, umaabot sa 42 percent ang underdeclaration ni Legaspi sa kanyang buwis noong 2010 at 256 percent noong 2012.
Sa ngayon, wala pang reaksyon ang kampo ni Legaspi kaugnay sa isyu.
(LEONARD BASILIO)
