Samuel, mukha pa ring totoy kahit nagbago na ang era sa Ikaw Lamang

 ni  Reggee Bonoan

ANG bilis talaga ng mga pangyayari sa Ikaw Lamang.

Last week lang ay natuloy ang kasalan nina Isabelle (Kim Chiu) at Franco (Jake Cuenca). Pumayag si Isabelle sa kasunduang walang anumang mangyayari kay Samuel (Coco Martin). Lingid sa kaalaman ni Isabelle, ipinapatay si Samuel ni Maximo (Ronaldo Valdez).

At natuloy nga ang kasal. Pero buhay si Samuel. Naisalba ito ng pari na dapat ay magkakasal naman sa kanila ni Isabelle.

Kaabang-abang kung ano ang mangyayari kina Isabelle at Franco. Mabuhos na kaya ang atensiyon ni Samuel kay Mona (Julia Montes)?

Samantala, papasok na ang bagong era sa nasabing master serye dahil sa 80’s look ng cast, kaso sa parte raw ni Samuel ay parang wala namang pagbabago obserbasyon ng viewers dahil walang nabago sa hitsura niya, mukha pa rin siyang totoy.