Pagbi-build-up kay Julia, ‘di nasayang (Dahil sa magandang response sa Mira Bella)

ni  Reggee Bonoan

NAKIKIPAGSABAYAN na rin sa pagbabagong anyo ang Mira Bella tulad ng Ikaw Lamang dahil gumanda na si Mira.

Sa tulong ng yellow flower ay naging si Bella na si Mira kaya maraming gugulatin ang dalagang ito.

Exciting ang part kung paano reresbakan ni Mira (bilang Bella) ang mga umapi sa kanya, aniya, ”Beauty is my revenge!”.

At maraming fans ang kinilig sa eksenang inamin na ni Jeremy (Enrique Gil) na mahal niya si Mira.

Samantala, nagsimula na rin ang paghahanap kay Bella ng isang ad agency para maging brand ambassador at si Jeremy ang naatasang hanapin siya ng mismong may-ari ng kompanya.

Natutuwa naman si Julia dahil positibo ang feedback sa kanya ng viewers at advertisers sa magandang project naMira Bella kaya nakatitiyak kaming hindi nasayang ang pagbi-build up sa kanya ng ABS-CBN kaya naman pati TitaClaudine Barretto niya ay sobrang proud sa kanya.