HATAW! D'yaryo ng Bayan hatawtabloid.com
PATAY ang 44-anyos snatcher nang bugbugin ng taong bayan sa Tondo, Maynila, kamakalawa.
Kinilala ang biktimang si Alfredo Simbulan, ng 931 St. Mary St., Tondo, namatay habang inooperhan sa ospital dahil sa traumatic brain injury.
Sa imbestigasyon ni PO3 Marlon San Pedro ng Manila Police District-Homicide Section, naganap ang insidente sa C.M Recto Ave., kanto ng Maya St., dakong 6:00 p.m. Sa ulat, naglalakad ang biktimang si Edwin Arrogante, sekyu, nang hablutin ni Simbulan ang kanyang hawak na cellphone.
Agad nakahingi ng tulong si Arrogante sa mga tao sa lugar na agad hinabol si Simbulan at nang abutan ay pinagtulungang bugbugin. Nagresponde si PO1 Christopher Tarada ng Juan Luna PCP 1 kaya’t naibalik ang cellphone ng sekyu habang isinugod sa Gat Andres Bonifacio Hospital ang biktima na binawian ng buhay habang inooperhan.
(BHENHOR TECSON, NIKKI-ANN CABALQUINTO, ANTONIO C. MAAGHOP, JR.)
