HATAW! D'yaryo ng Bayan hatawtabloid.com
NAKATUTUWA naman malaman na malaki na ang ipinagbago ng mga opisina ng tatlong passengers’ terminal ng Ninoy Aquino International Airport (NAIA) simula nang ‘pasabugin’ natin sa ating pitak ang paglulungga ng mga tinaguriang “illegal boarders.”
It means na nabulabog sila sa isinagawa nating expose ng mga kabulastugan at ‘di tamang pagkilos ng ilang manggagawa sa paliparan.
Sa ginawang inspection ng MIAA officials sa mga tanggapan ng NAIA bilang bahagi ng ating constructive criticism ay napatunayan nila na tama at eksakto ang nakalap natin na impormasyon.
‘Ika nga ay nag-improve in terms of professionalism. At ang manners at characters ng mga nailathala natin ay ‘pansamantalang’ iniligpit ang kani-kanilang paraphernalia gaya ng microwave oven, kaldero, electric fan, radio at iba pang kitchen utensils.
Pero ano ba itong ating naririnig na imbes matuwa na nalinis at mukha nang presentable office ang working place ng mga empleyado ay ‘umuusok’ pa rin daw sa galit ang illegal boarders natin sa rampa?
‘E hindi ba sila natutuwa na naging maayos na ang lahat pati ang umano’y nagaganap na immoral sa loob ng mga makeshift ‘love nest’ ay nabawasan na!?
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
