HATAW! D'yaryo ng Bayan hatawtabloid.com
HINDI man tayo literal na sinakop ng makapangyarihang China ‘e kung titingnan natin ang mga ilegal na komersiyante sa ating paligid ay parang ganoon na rin ang nangyari.
Tayong mga Pinoy bago makapagtrabaho sa ibang bansa ay gumagastos nang malaki. Nagsasanla ng lupa, kalabaw o nagungutang sa five-six makapag-abroad at makapagtrabaho lang.
Pero ‘yang mga Chinese nationals mula sa mainland China ang puhunan lang makapasok sa Pinas tapos nagiging negosyante na at nagkakamal na ng sandamakmak na kwarta.
Nakapagnenegosyo ang mga Tsekwa mula sa mainland China sa Philippines my Philipines nang walang binabayarang tax.
Hindi ba nahahalata ng gobyerno na ang mga itinatayong condominium sa bansa lalo na sa Binondo ay sold out agad?!
Mas malaking bilang ng mga nagmamay-ari ng condo units na ‘yan ay pawang Chinese nationals.
Bakit hindi subuking sudsurin ng Bureau of Internal Revenue (BIR) ‘yung mga condominium na ‘yan at tiyak mabibisto nila na pawang Chinese nationals ang nakatira d’yan.
Sa Baclaran, sa Divisoria at sa malalaking commercial area, Luzon,Visayas at Mindanao, ang malalaking komersiyante ay pawang Chinese nationals mula sa mainland.
Sa kanila na rin kumukuha ng paninda ang mga vendor na Pinoy.
Ang bibilis nilang magsiyaman, kasi nga wala silang binabayarang ano mang buwis.
‘Yung mga Chinese nationals naman na baluktot ang lakad ay nagluluto at nagbebenta ng shabu. ‘Yun iba doon nagbababad sa mga Casino.
Sila ang mga Casino financier at numero unong money launderer doon.
Panahon na siguro para pagtuunan ng pansin ng mga mambabatas ang malayang pagpasok ng mga Chinese mula sa mainland China at pangunahing ‘umaagaw’ sa oportunidad ng mga kababayan natin para umunlad ang kabuhayan.
Panahon na para ipatupad ang restriksiyon sa pagpasok ng mga Chinese na ilegal na nagnenegosyo sa Pinas!
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
