Taulava, Anthony naghati sa PoW

DALAWANG manlalaro ng Air21 ang  napili ng PBA Press Corps bilang Players of the Week para sa linggong Abril 21 hanggang 26.

Nakuha nina Asi Taulava at Sean Anthony ang nasabing parangal dahil sa kanilang kontribusyon sa quarterfinals ng PBA Commissioner’s Cup kontra San Miguel Beer kung saan dalawang beses na tinalo ng Express ang Beermen upang umabante sa semifinals.

“The hard work starts in the offseason with my personal trainer,” wika ni Taulava na nag-average ng 16.5 puntos, 8.5 rebounds at 1.5 na supalpal sa dalawang laro ng Air21 sa quarters. “When the season starts, I’m just out there having fun. It was just another team we had to go through if we wanted two make it to the semis. Our team is very focused and hungry.”

Sa panig ni Anthony, nag-average siya ng 21.5 puntos, 9.5 rebounds at 2.5 na agaw sa quarterfinals pagkatapos na nakuha siya mula sa Talk n Text bago magsimula ang Commissioner’s Cup.

(James Ty III)