HATAW! D'yaryo ng Bayan hatawtabloid.com
BINARIL at napatay ang 51-anyos Filipina nurse ng kanyang 24-anyos boyfriend nitong Linggo sa Clearwater, Florida.
Si Josephine Austria ay nagdiriwang ng birthday party sa kanilang bahay nang barilin ng kanyang boyfriend na si Alexander Richardson, dakong 1 a.m.
Ayon sa pulisya, si Austria ay idineklarang dead on arrival sa ospital.
Si Richardson ay inaresto sa kasong second degree murder. Siya ay sinampahan din ng kasong “operating a firearm under the influence of alcohol,” ayon sa mga awtoridad.
Inihayag ng pulisya, si Richardson ay nagtungo sa kalapit na gas station at iniulat ang insidente ng pamamaril at pagkaraan ay inamin na binaril niya ang kanyang Filipina girlfriend.
Gayonman, hindi pa malinaw ang motibo sa krimen.
Si Richardson na ka-live-in ni Austria, ay ikinulong sa Pinellas County Jail.
