HATAW! D'yaryo ng Bayan hatawtabloid.com
CAUAYAN CITY, Isabela – Dalawang security guard ang patay makaraan barilin ng hindi nakilalang armadong kalalakihan na nangholdap sa resort sa Cansan, Cabagan, Isabela, kamakalawa ng gabi.
Kinilala ni Supt. Manuel Bringgas ng Isabela Police Provincial Office (IPPO), ang napatay na mga gwardiya ng Hardrock Resort na sina Joselito Haval, re-sidente ng Lingaling, Tumauini, at Baltazar Morillo, residente ng Cubag, Cabagan.
Sa imbestigasyon ng Cabagan Police Station, magsasara na ang resort dakong 9:15 p.m. nang biglang sumulpot ang armadong kalalakihan.
Tinutukan nila ng baril ang da-lawang security guard at ilan pang empleyado sa nasabing resort.
Pagkaraan ay pinagbabaril ang dalawang gwardiya saka pinuntahan ang cashier ng resort na inutusan nilang dumapa at tinangay ang hindi pa malamang halaga ng pera.
Kinuha rin ng mga holdaper ang service firearms ng dalawang pinatay na gwardiya.
(BETH JULIAN)
