HATAW! D'yaryo ng Bayan hatawtabloid.com
ANG kwentong ito ay tila teleseryeng patok na patok sa apat na sulok ng Bureau of Internal Revenue (BIR).
Isang kwento na hindi maililihim at sabi nga ‘e talk of the town, kumbaga pwedeng ipangsalo sa breakfast, merienda, lunch, merienda ulit, early dinner ng mga empleyado at maging sa business meeting ng ibang opisyal, lalo na kapag hindi sila nakikita ng mga taong nasasangkot.
Totoo nga ang kasabihan na: “Walang bantot na hindi aalingasaw.”
Ito ay kwento ng isang BIR lady official at kanyang hubby na sa kanyang pakiramdam ‘e masyadong natatapakan ang kanyang ego.
Si hubby kasi ay mayroong ka-tweetums na lingid sa kaalaman ni BIR lady official.
Heto ngayon ang siste, nakaramdam si lady official na may illicit affair ang kanyang papa sa isang BIR lady examiner. Pero dahil deskripsiyon lamang ng bebot ang nakararating sa kaalaman ni BIR lady official, ipina-LIFESTYLE CHECK at ipina-counter check niya ang mga emplayadang 30 hanggang 35 anyos sa isang BIR revenue district office.
Nagulat at nagtataka ang mga empleyado ng revenue district office kung bakit bukod tanging ang kanilang opisina ang tinarget ni BIR lady official.
S’yempre ‘STRAY’ man ang ‘BULLET’ ni BIR lady official, tiyak na mahahagip ang TWEETUMS ng ma-L na hubby.
Pero matulis ‘este’ matalas ang pakiramdam ng kanyang loving hubby kaya mabilis pa sa alas-kuatro na pinag-resign at pinapunta sa ‘tate ang kanyang lovey-dovey.
Nagbitiw pa ng OPM (Oh Promise me si Papa ex-hubby do’n sa tweetums niya) … “Kapag iba na ang administrasyon, ibabalik kita sa BIR.”
How sweet naman ‘di ba?!
Pero ito ngayon, mukhang sising-alipin si BIR lady official dahil sa ginawa niyang pagpapa-lifestyle check hindi niya talaga nakilala kung sino ‘yung KEPT WOMAN ni hubby.
Hanggang ngayon daw kasi ‘e hindi matanggap ni BIR official na talagang sawang-sawa na sa mukha niya ang kanyang hubby.
‘E talaga naman, walang kadating-dating iyang si BIR lady official kaya kahit ano pang gawin niya ‘e wala na raw AMOR si hubby sa kanya.
Is that what you call GOOD RIDDANCE?
Para sa mga reaksiyon, suhestiyon, reklamo at sumbong, magtext sa 0915.804.76.30 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
