HATAW! D'yaryo ng Bayan hatawtabloid.com
PATAY noon din ang dalawang empleyado ng Philippine Amusement and Gaming Corp. (PAGCOR) nang araruhin ng kotse ang motorsiklong kanilang kinalulunanan sa Brgy. Lahug, Cebu City, iniulat kahapon. Tumilapon ng ilang metro ang mga biktimang sina Gaudencio Bontilao at Joselito Lopez, kapwa operator ng slot machine sa PAGCOR Cebu.
Sa ulat ng pulisya, galing sa trabaho ang dalawang biktima, sakay ng motorsiklo nang banggain ng humarurot na puting kotse, may plate number na YGX 368, minamaneho ni Gerard dela Cruz, 28, nursing student.
Dalawa pang pedestrian na sina Roel Cadiz at Danny Valles ang nasugatan nang mahagip ng nabanggang motorsiklo.
Inihahanda na ang kasong isasampa laban kay Dela Cruz.
(Beth Julian)
