HATAW! D'yaryo ng Bayan hatawtabloid.com
ni Reggee Bonoan
BAGONG problema ang susubok sa karakter ng Kapamilya teen stars na sina Sharlene San Pedro, Jairus Aquino, at Francis Magundayao ngayong Sabado (Abril 5) sa pagpapatuloy ng Wansapanataym Presents Si Lulu at Si Lily Liit.”
Sa kanyang paglalayas, makikilala na ni Lily (Sharlene) si Dondie (Paul Salas), ang duwendeng tumupad sa kahilingan ng kanyang mga magulang na magkaroon ng anak.
Bilang kapalit sa kanyang pagtulong, kukunin ni Dondie si Lily at dadalhin ito sa kanyang kaharian upang doon na manirahan. Paano maililigtas nina Lulu (ginagampanan din ni Sharlene), Harvey (Jairus), at Adrian (Francis) si Lily kapag hindi ito pinalaya ni Dondie? Makakabalik pa ba si Lily sa dating buhay niya kasama ang kanyang pamilya at mga kaibigan?
Kasama rin sa Si Lulu at Si Lily Liit sina Desiree del Valle, Assunta de Rossi, John Lapus, Ron Morales, John Medina, JB Agustin, at Nikki Bagaporo mula sa panulat ni Noreen Capili at direksiyon ni Manny Palo. Huwag palampasin ang huling dalawang linggo ng month-long special nina Sharlene, Jairus, at Francis sa Best Development-Oriented Children’s Program ng 2014 Gandingan Awards, Wansapanataym.
